जनकपुरधाम, ५ जेठ । नेपालमा पछिल्लो २४ घण्टामा झण्डै ८ हजार कोरोना संक्रमित निको भएका छन् । स्वास्थ्य तथा जनसंख्या मन्त्रालयले बुधवार अद्यावधिक गरेको तथ्यांक अनुसार पछिल्लो २४ घण्टामा ७ हजार ९८९ जना संक्रमित निको भएका हुन् ।
योसँगै निको हुनेको संख्या ३ लाख ६० हजार ४०३ पुगेको छ । हाल नेपालमा १ लाख १४ हजार ३५८ जना सक्रिय संक्रमित छन् । यसैगरी सोही अवधिमा ८ हजार ६४ संक्रमित थपिएका छन् । योसँगै संक्रमितको संख्या ४ लाख ८० हजार ४१८ पुगेको तथ्यांकमा छ ।
पछिल्लो २४ घण्टामा कोरोना संक्रमणबाट २४६ जनाको मृत्यु भएसँगै संक्रमणबाट मृत्यु हुनेको संख्या ५ हजार ६५७ पुगेको छ ।
