राजविराज, १ साउन । नागरिकता सम्बन्धी कसूरमा प्रहरी हिरासतमा रहेकी सप्तरीको डाक्नेश्वरी नगरपालिकाकी उपमेयर मीराकुमारी यादव विरुद्ध चौथो पटक म्याद थप भएको छ ।
सप्तरी जिल्ला अदालतले सोमवार उनलाई थप ७ दिन थुनामा राखेर अनुसन्धान गर्न अनुमति दिएको हो ।
उनी विरुद्ध थप ७ दिन म्याद थप भएको सप्तरीका प्रहरी प्रमुख प्रहरी उपरीक्षक नरेन्द्रकुमार कार्कीले जानकारी दिए । ‘सोही आरोपमा फरार रहेका उनका पति महेन्द्रकुमार यादवको खोजी भइरहेको छ’, उनले भने ।
असार १९ गते पक्राउ पुर्जी जारी भएपछि उनी २० गते प्रहरीसमक्ष उपस्थित भएकी थिइन् ।
