राजविराज, २३ असार-सप्तकोशी नदीमा आइतवार साँझ दाउरा छान्ने क्रममा एक जना वेपत्ता भएका छन् ।
कोशी ब्यारेजमा दाउरा छानिरहेका एक जना नदीमा खसेको जिल्ला प्रहरी कार्यालय सप्तरीका प्रहरी नायव उपरीक्षक ढृण्डिराज नेउपानले बताए ।
‘नदीमा खसेर बेपत्ता भएको कुरा पुष्टि हुन आएको छ तर अहिलेसम्म नाम र ठेगाना खुल्न सकेको छैन्’ उनले भने, ‘उनको खोजी कार्य जारी रहेको छ ।’
दुई दिनदेखि निरन्तरको वर्षाका कारण आइतवार दिउँसोसम्म पानीको वहाव बढ्दो रहेपनि साँझदेखि घट्न थालेको छ । साँझ ६ बजे गरिएको मापनअनुसार पानीको वहाव ३ लाख ८५ हजार ६५० क्यूसेक रहेको ब्यारेज नियन्त्रण कक्षले जनाएको छ ।
यसअघि दिउँसो ५ बजे भने पानीको वहाव ३ लाख ९३ हजार ७१५ क्यूसेक रहेको थियो ।
