राजविराज–एनएमबि बैंक लिमिटेडले सप्तरीको तिलाठी कोईलाडी गाउँपालिकाका तीन पाङ्ग्रे सवारी चालकहरुलाई टी-शर्ट र क्यूआर कोर्ड वितरण गरेको छ ।
बैंकले संस्थागत सामाजिक उत्तरदायित्व अन्र्तगत टी–शर्ट र क्यूआर हस्तान्तरण गरिएको बैंकको तिलाठी कोईलाडी शाखाका प्रमुख सुरेश कुमार साहले बताए । उनका अनुसार नगद छोडौं, क्यूआर रोजौं भन्ने नाराका साथ क्यूआर कोर्ड वितरण हो ।
त्यस्तै, सोही गाउँपालिका–१ बेल्ही प्रहरी चौकीलाई स्टयाण्ड पंखा पनि हस्तान्तरण गरिएको शाखा प्रमुख साहले बताए ।
उक्त कार्यक्रममा शाखा तिलाठी कोइलाडीका अपरेसन ईन्चार्ज दिपेन्द्र दास, वडा अध्यक्ष दिनेश्वर मिश्र, गाउँपालिकाको पंजिकरण शाखाका कर्मचारी शैलेन्द्रकुमार सिंह लगायत बैंकका कर्मचारीहरुको उपस्थिति रहेको थियो ।
विगत २६ वर्षदेखि बैंकिङ्ग सेवा सुविधा प्रदान गर्दै आइरहेको एनएमबि बैंकका हाल देशभरि २ सय १ शाखाहरु, १ सय ८७ वटा एटिएम र ११ एक्सटेन्सन काउन्टरहरु रहेका छन् । उक्त बैंकले दिफिनान्सियल टाईम्स, लण्डनस्थित ‘द ब्यान्कर’ पत्रिकाद्वारा एसियाकै सर्वोत्कृष्ट बैंकको उपाधी ‘बैंक अफ दि इयर एसिया २०२१’ उपाधीबाट प्राप्त गरिसकेको छ ।
