राजविराज–स्थानीय तह उपनिर्वाचनमा सप्तरीको डाक्नेश्वरी नगरपालिकामा दुई जना वडाध्यक्ष पदका लागि मतदान जारी छ ।
निर्वाचन अधिकृतको कार्यालयले जनाएअनुसार वडा नम्वर १ र ४ का सबै मतदान केन्द्रमा बिहानबाट मतदान सुरु भएको हो । एकमा दुई वटा मतदान स्थलका तीन केन्द्रमा मतदान भइरहेको छ भने चारमा एउटा मतदानस्थलका दुई वटा केन्द्रमा मतदान भइरहेको छ ।
वडा नम्वर १ र ४ का वडाध्यक्ष पदका लागि १६ जना चुनावी मैदानमा छन् । वडा नम्वर १ बाट ८ र ४ बाट पनि ८ जना नै चुनावी मैदानमा छन् ।
वडा नम्बर १ मा कविलासा, माधोपुरू, मधुवनी र बलाटी टोलमा एक हजार ५४९ मतदाता छन् भने एक हजार ११९ मतदाता रहेको वडा नम्बर ४ मा भुतही, लक्ष्मीपुर र कुशहा टोल समावेश छन् ।
