जनकपुरधाम–काठमाडौंबाट धनुषा आएको नाइट बसमा एक यात्रु मृत फेला परेका छन् ।
आज बिहान लालगढ आइपुगेको मधेश प्र ०४ ख ०१५७ नम्बरको बसमा भारतीय यात्रु मृत फेला परेको हो । प्रहरीका अनुसार उक्त बसमा भारतको मधुवनी जिल्ला सिम्री टोलका ७० वर्षीय जगदीश यादव मृत फेला परेका हुन् ।
लालगढमा यात्रुहरु शौचालय गर्न ओर्लिएपछि उनलाई मृत अवस्थामा देखेका थिए । ईलाका प्रहरी कार्यालय ढल्केबरका प्रहरी निरीक्षक जटाशंकर यादवले यात्रु यादवको मृत्यु कसरी भएको खुल्न नसकको बताए ।
उनले घटनाबारे सोधपुछ भइरहेको बताए । मृतक यादव काठमाडौंबाट जटहीका लागि बस चढेका थिए ।
