जनकपुरधाम । पछिल्लो २४ घण्टामा देशभर २ हजार ५६९ जनामा कोरोना भाइरसको संक्रमण पुष्टि भएको छ ।
सोही अवधिमा १ हजार ६६६ जना कोरोना संक्रमणमुक्त भएको स्वास्थ्य तथा जनसंख्या मन्त्रालयका प्रवक्ता प्रा डा. जागेश्वर गौतमले बताएका छन् । हालसम्म कुल १ लाख ६२ हजार २४३ जना कोरोना संक्रमण मुक्त भएका छन् ।
देशभर सक्रिय संक्रमितको संख्या ३८ हजार ९१२ रहेको छ । हालसम्म संक्रमितको संख्या २ लाख २ हजार ३२९ पुगेको छ ।
मन्त्रालयका प्रवक्ता गौतमका अनुसार हालसम्म सरकारले १५ लाख ७४ हजार २९५ जनाको पिसिआर परीक्षण गरिएको छ ।
