विराटनगर । नेपालमा एकै दिन १ हजारबढी कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार १५ जनामा संक्रमण पुष्टि भएको हो ।
यससहित नेपालमा संक्रमितको संख्या २ लाख ८४ हजार ६७३ पुगेको छ । २४ घण्टामा २६२ जना संक्रमणमुक्त भएका छन् । यससहित निको हुनेको संख्या २ लाख ७५ हजार ३ सय पुगेको जनाएको छ ।
यसैगरी सोही अवधिमा ८ जना संक्रमितको मृत्यु भएको छ । यससहित मृतकको संख्या ३ हजार ८३ पुगेको मन्त्रालयको तथ्यांक छ ।
हाल नेपालमा ६ हजार २९० जना सक्रिय संक्रमित छन् भने ८५ जना क्वारेन्टाइनमा रहेको जनाएको छ ।
