लहान । सिरहाको लहानबाट कुटानी पिसानी मिलको उपकरण लिएर उदयपुको ताप्लीतर्फ जाँदै गरेको बोलेरो जिप गए राति दुर्घटना हुँदा एक जनाको मृत्यु भएको छ भने ३ जना गम्भीर घाइते भएका छन् ।
ताप्ली गाउपालिका–४ ठानागाउँ पोखरीस्थित भित्री कच्ची सडक खण्डमा बा १८ च १५६७ नम्बरको बोलेरो जिप अनियन्त्रित भएर दुर्घटनामा परेको हो ।
दुर्घटनामा सिन्धुलीको दुधौली नगरपालिका–१० का ६० बर्षिय इन्द्रबहादुर बिकको घटनास्थलमै मृत्यु भएको प्रहरी उपरीक्षक भिमबहादुर दाहालले बताए । दुर्घटनामा परि चालकसहित ३ जना घाईते भएका छ्न । घाइते ३ जनाको टाउको, हातखुट्टा र शरिरको विभिन्न भागमा चोट लागेको छ ।
गम्भीर अवस्थाका उनीहरुको कटारी अस्पतालमा उपचार हुन नसकेपछी थप उपचारकालागि बिराटनगर पठाइएको प्रहरीले जनाएको छ ।
