काठमाडौं – भूमि व्यवस्था सहकारी तथा गरिबी निवारणमन्त्री बलराम अधिकारीले मालपोत र नापी कार्यालयलाई बिचौलिया र घुसखोरमुक्त बनाउन निर्देशन दिएका छन् ।
बुधबार मन्त्रालय मातहतका विभागीय प्रमुख, महाशाखा प्रमुख र उपत्यका कार्यालय प्रमुखलाई राखेर मालपोत र नापी कार्यालयलाई बिचौलिया र घुसखोरमुक्त बनाउन उनले निर्देशन दिएका हुन् ।
मन्त्रालयमा कार्यालय प्रमुखसँग सुशासन प्रवर्द्धन र गुणस्तरीय सेवा प्रवाहका विषयमा मन्त्री भएको करिब एक महिनामा भएका कामको रिपोर्टिङ लिएपछि उनले यस्तो निर्देशन दिएका थिए ।
