रामशंकर भण्डारी
राजविराज-सशस्त्र प्रहरीले अवैध रूपमा बिक्री वितरणका लागि भारतबाट ल्याउॅंदै गरेको ८० किलो प्रतिबन्धित क्याट फिस (मुंग्री) माछा बरामद गरेको छ ।
सशस्त्र प्रहरी बल, बिओपी वेल्हीबाट खटिएको प्रहरी टोलीले सप्तरीको बलान बिहुल गाउॅंपालिका-३ टिकुलियाबाट उक्त मुंग्री माछा बरामद गरेको हो ।
आइतबार दिउॅंसो वेवारिसे अवस्थामा बरामद गरिएको उक्त मुंग्री माछा जनप्रतिनिधिको रोहवरमा नष्ट गरिएको सशस्त्र प्रहरीले जनाएको छ ।
