रामशंकर भण्डारी
राजविराज, २२ असार–सप्तरीको बलान बिहुल गाउँपालिका–४ बेल्हीस्थित बलान नदीमा आएको बाढीमा फसेका ६ जना किसानलाई उद्धार गरिएको छ ।
खेतमा धान रोपेर घर फर्किदै गर्दा शनिवार साँझ नदीमा अचानक आएको बाढीका कारण ६० बर्षीय श्रीदेव माली, मुक्ता माली, रामचन्द्र यादव, सत्यनारायण मण्डल र एक महिला गरी ६ जना किसान फसेका थिए ।
उनीहरुबारे जानकारी भएसँगै प्रहरीलाई जानकारी गराइएको थियो । बिओपी बेल्हीबाट खटिएको प्रहरी टोलीले उनीहरुको उद्धार गरेको छ ।
