राजविराज–त्रिभुवन विमानस्थलमा बुधबार बिहान पोखरा उड्ने क्रममा दुर्घटनाग्रस्त विमानमा एकै परिवारका तीन जनाको मृत्यु भएको छ ।
दुर्घटनामा परी बितेका मनुराज शर्मा र प्रिजा खतिवडा श्रीमान्–श्रीमती हुन् भने नाबालक अधिराज उनीहरूका छोरा हुन् । प्रिजा नेपाल पत्रकार महासंघ, सप्तरीका पूर्व अध्यक्ष प्रकाश खतिवडाकी छोरी हुन् । उनी ऊर्जा मन्त्रालयमा कम्प्युटर अपरेटरका रूपमा कार्यरत थिइन् ।
प्रिजाका श्रीमान् मुनराज प्राविधिक हुन् । परीक्षण उडानका लागि पोखरा जान लागेको विमानमा मनुराजले प्रिजालाई पनि सँगै लैजान खोजेका थिए । प्रिजा छोरासहित आएकी थिइन् । अधिराज उनीहरूका एक मात्र छोरा थिए ।
