राजविराज–नदीमा पानीको वहाव खतराको संकेत समेत पार गरिसकेको भन्दै कोशी ब्यारेजको पुलमा अनिश्चितकालका लागि आवतजावत बन्द गरिएको छ ।
नदीमा पानीको वहाव अझैं बढ्दो रहेको छ भने दिउँसो ३ बजे गरिएको मापनअनुसार पानीको वहाव ५ लाख ४१ हजार १६५ क्युसेक प्रतिसेकेन्ड पानीको वहाव पुगेको छ ।
सर्वसाधारणको सुरक्षाको लागि शनिवार दिउँसो ४ बजेदेखि अर्को सूचना जारी नभएसम्मका लागि कोशी ब्यारेजको पुलबाट आवतजावत बन्द गरिएको सुनसरीका सहायक प्रमुख जिल्ला अधिकारी वेदराज फुयलले जानकारी दिए ।
जिल्ला प्रशासन कार्यालय सुनसरीले सूचना जारी गर्दै अत्यावश्यक कामको लागि वैकल्पिक मार्गको प्रयोग गर्न अनुरोध समेत गरेको छ ।
