राजविराज–प्रसिद्ध छिन्नमस्ता भगवति शक्तिपीठमा बडादशैंमा हुने भिडभाडलाई व्यवस्थित गरी दर्शन एवम् पुजापाठका लागि सहज बनाउने तयारी अन्तिम चरणमा पुगेको छ ।
शक्तिपीठमा खास गरी सप्तमी, अष्टमी, नवमी र दशमीका दिन अत्यधिक भिडभाड हुने गर्छन् ।
भिडभाडका कारण दर्शन तथा पुजापाठका लागि विगतका वर्षहरुमा घण्टौं समय लाग्ने गरेता पनि यस पटक सहज बनाउने तयारी भइरहेको र उक्त तयारी पनि अन्तिम चरणमा रहेको बताइएको छ । तर, बाटोको असहजता भने कायमै रहेको छ ।
