राजविराज, ४ कार्तिक–सप्तरीको कञ्चनरुप नगरपालिका–३ बरमझियामा आइतवार विहान यात्रुबाहक बस दुर्घटना हुँदा एक जनाको मृत्यु भएको छ भने अन्य २२ जना घाइते भएका छन् ।
पूर्वपश्चिम राजमार्ग अन्तर्गत पूर्वतर्फ गइरहेको प्र.१–०१–०० ख ४१२६ नम्बरको यात्रुबाहक बस दुर्घटनामा परेको हो ।
विपरित दिशाबाट आइरहेको मोटरसाइकललाई जोगाउन खोज्दा भएको दुर्घटनामा परेर धनकुट्टाकी करिब ५४ वर्षीया मैया राईको दुर्घटनास्थलमै मृत्यु भएको ईलाका प्रहरी कार्यालय कञ्चनरुपका प्रहरी नायव निरीक्षक सुरेन्द्र नेपालीले जानकारी दिए ।
उनका अनुसार दुर्घटनामा घाइते भएकाहरुलाई उपचारको लागि विभिन्न अस्पातालमा पठाइएको छ ।
यात्रुबाहक बसको चालकको खोजी भइरहेको जनाएको छ ।
