जनकपुरधाम, ८ वैशाख । मधेश प्रदेश सरकारले आमसञ्चार प्राधिकरण र मिडिया काउन्सिलको अध्यक्षमा क्रमशः जितेन्द्र खड्गा र कमल उपाध्यायलाई नियुक्त गरेको छ ।
सोमबार जनकपुरधामस्थित मुख्यमन्त्री तथा मन्त्रिपरिषद्को कार्यालयमा आयोजित समारोहमा प्रदेशका गृहमन्त्री राजकुमार लेखीले दुबै अध्यक्षलाई पद तथा गोपनीयताको शपथ गराएका हुन् । बाराका उपाध्याय र सप्तरीका खड्ग दुवै सञ्चार क्षेत्रमा लामो समयदेखि सक्रिय छन् । प्रदेश सरकारले उनीहरूको अनुभव र दक्षतालाई ध्यानमा राख्दै महत्वपूर्ण जिम्मेवारी सुम्पेकाे हो ।
