जनकपुरधाम । जनता समाजवादी पार्टी (जसपा) नेपालका अध्यक्ष उपेन्द्र यादव पक्षले बोलाएको केन्द्रीय कार्यकारिणी समितिको बैठकमा बहुमत सदस्य उपस्थित रहेको दाबी गरिएको छ ।
समितिमा ५१ जना सदस्यहरु छन् । कार्यकारिणी सदस्य मोहम्मद ईश्तियाक राईका अनुसार बैठकमा २८ जना सदस्यहरु उपस्थित भएका छन् ।
पार्टी कार्यालयमा बालकुमारीमा जारी बैठकमा समसामयिक विषयमा छलफल भइरहेको राईले मधेशलाइभलाई जानकारी दिए । उता, अर्का अध्यक्ष महन्थ ठाकुर पक्षले पनि यसअघिसम्म बहुमत सदस्य आफुहरुसँग रहेको दावी गर्दै आएका थिए ।
