२०७७ असोज ०७ गते
राजविराज । सप्तरीमा बुधबार ४ सुरक्षाकर्मी सहित १५ जना कोरोना भाइरस संक्रमित थपिएका छन् । भिमदलगण (नेपाली सेना) का ४ जनामा संक्रमण पुष्टि भएको स्वास्थ्य कार्यालय सप्तरीका निमित्त प्रमुख दुनियालाल यादवले जानकारी दिए ।
यसैगरी, हनुमाननगर कंकालिनीका १० र डाक्नेश्वरी नगरपालिकाका १ जना गरी बुधबार १५ जना संक्रमित थपिएका हुन् । योसँगै हालसम्म सप्तरीमा संक्रमितको संख्या १२ सय २२ पुगेको छ।
हालसम्म ८२३ जना निको भएर घर फर्किएका छन् । सप्तरीमा कोरोनाबाट हालसम्म ११ जनाले ज्यान गुमाइसकेके निमित्त प्रमुख यादवले बताए ।
