विराटनगर, १७ मंसिर । सुनसरी भोक्राहा नर्सीङ गाँउपालिका–८ स्थित ट्याक्टरको ठक्करबाट मोटरसाईकलमा सवार एक वालिकाको मृत्यु भएको छ । आज विहान करिब १० बजेतिर भित्री सडक खण्डमा को २ त २०३३ नम्वरको ट्याक्टरले को ११ प १२०० नम्वरको मोटरसाईकललाई ठक्कर दिएको हो ।
दुर्घटनामा मोटरसाईकटमा पछाडी सवार रहेकी स्थानीय १० बर्षीया रेहना खातुनको घटनास्थलमै मृत्यु भएको जिल्ला प्रहरी कार्यालय सुनसरीले जनाएको छ । ट्याक्टर र चालक सुनसरीकै गढी–२ निवासी ३५ बर्षीय अनिल उराउलाई नियन्त्रणमा लिइएको जनाएको छ ।
