उमेश कुमार साह
बोदे बरसाईन (सप्तरी), २३ मंसिर । सप्तरीको बोदे बरसाईन नगरपालिकामा लागुऔषधसहित दुई जना युवक पक्राउ परेका छन् । ईलाका प्रहरी कार्यालय बोदे बरसाईनका प्रमुख अयोध्या शरण यादव नेतृत्वको टोलीले चेकजाँचको क्रममा वडा नम्वर ५ जाँजरबाट दुवै जनालाई पक्राउ गरेको हो ।
पक्राउ पर्नेमा वडा नम्वर ५ खोजपुरका १९ वर्षीय आशिष भनिने सच्चिदानन्द चौधरी र सोही ठाउँका शुभकान्त चौधरी रहेका छन् ।
स ३ प ३६६१ नम्बरको मोटरसाइकलमा सवार भएर गइरहेका दुवै जनाको साथबाट १० थान डाइजिल्याव एम्पुल, ८ थान फेर्नागन एम्पुल, १० थान नोफिन एम्पुल बरामद भएको ईलाका प्रहरी कार्यालय कडरबोनाका प्रहरी निरीक्षक बिरेन्द्र पासवानले जानकारी दिए । दुवै जनामाथि थप अनुसन्धान भइरहेको जनाएको छ ।
