जनकपुरधाम, २३ मंसिर । नेपालमा पछिल्लो २४ घण्टामा थप १ हजार ३८२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार योसँगै संक्रमितको संख्या २ लाख ४३ हजार ३७७ पुगेको छ ।
सोही अवधिमा १ हजार ६२१ जना कोरोना संक्रमणमुक्त भएर घर फर्किएका छन् । योसँगै नेपालमा निको हुनेको २ लाख २९ हजार ५४ पुगेको छ ।
यसैगरी कोरोना संक्रमणबाट पछिल्लो घण्टामा थप २३ जनाको मृत्यु भएको छ । योसँगै हालसम्म नेपालमा कोरोनाबाट मृत्यु हुनेको संख्या १ हजार ६३७ पुगेको मन्त्रालयले जनाएको छ ।
