लहान, १ माघ । श्रोत नखुलेको रकमसहित सिरहामा फेरी दुई जना युवक पक्राउ परेका छन् । पक्राउ पर्नेमा बरियारपट्टी गाउँपालिका–२ खोक्सीका ४० वर्षीय मोहमद सगिर मियाँ र २४ वर्षीय मेहदी मन्सुर मियाँ रहेका छन् ।
बुधवार स ८ प ९६१४ नम्बरको मोटरसाइकलमा सवार भएर भारतबाट नेपालतर्फ आइरहेको दुवै जनलाई चेकजाँच श्रोत नखुलेको ९ लाख ३९ हजार ९१५ रुपैयाँ फेला परेको जिल्ला प्रहरी कार्यालयका डिएसपी शालिग्राम शर्माले बताए ।
उनका अनुसार दुवै जनामाथि आवश्यक कारवाहीकालागि सम्पत्ति शुद्धिकरण विभाग पठाइनेछ । यसअघि पनि सिरहा प्रहरीले श्रोत नखुलेको ३१ लाखबढी रुपैयाँसहित एक जनालाई पक्राउ गरेको थियो ।
