राजविराज, ५ माघ । सोलुखुम्वुको सोलुदुधकुण्ड नगरपालिका–११ मा गए राति टिपर दुर्घटना हुँदा सप्तरीका एक युवकसहित तीन जनाको मृत्यु भएको छ । दुर्घटनामा अन्य एक जना गम्भीर घाइते भएका छन् ।
महादेव गित्ते भिरमा बा ४ ख ७९८० नम्बरको टिपर अनियन्त्रित भएर करिब तीन सय मिटर तल खसेर दुर्घटना भएको हो । दुर्घटनामा सप्तरी सुरुङ्गा नगरपालिका–८ का १९ वर्षीय कृष्णलाल चौधरी, दाधिङका ३२ वर्षीय चालक कमल मगर र मकवानपुर बाग्मती गाउँपालिका–४ का ३३ वर्षीय रामकुमार मगरको मृत्यु भएको छ ।
त्यसैगरी बाग्मती गाउँपालिकाकै २३ बर्षिय रमेश मगर गम्भीर घाइते जिल्ला प्रहरी कार्यालय सोलुखुम्बुका प्रहरी सहायक निरीक्षक कृष्णकुमार कट्वालले बताए । गम्भीर घाइते मगरलाई उपचारकोलागि जिल्ला अस्पताल फाप्लु पठाइएको छ ।
