जनकपुरधाम । आज १ सय ११ औं अन्तराष्ट्रिय महिला दिवस । हरेक वर्ष ८ मार्चको दिन यो दिवस संसारभर मनाइन्छ ।
महिलालाई पनि समान ज्याला र भोटको अधिकार हुनुपर्छ भन्दै अन्तर्राष्ट्रिय स्तरबाट सुरु भएको आन्दोलनको सम्झनामा यो दिवस मनाउन थालिएको हो ।
नेपालमा पनि आजको दिन नारी दिवसको रुपमा विभिन्न कार्यक्रम गरेर मनाउने गरिएको छ । यस पटकको महिला दिवसका नारा ‘महिला नेतृत्वः कोभिड १९ सँगै समान भविष्यको प्राप्ती’ भन्ने रहेको छ ।
आजका दिन संसारभरि विभिन्न कार्यक्रमहरु गरेर सामाजिक, आर्थिक लगायत विकासका अन्य धेरै आयामहरुमा महिलाहरुको सक्रिय सहभागीता र नेतृत्वको प्रशंसा गरिनेछ ।
