राजविराज, १२ चैत । जनता समाजवादी पार्टी (जसपा) नेपालका केन्द्रीय नेता भिमराज यादव विहिवार सडकमा दुर्घटनामा परेको छ । सप्तरीको राजविराज–रुपनी सडकमा उनी सवार स्कुटरलाई ना ४ ख ७१२८ नम्वरको बसले ठक्कर दिएपछि दुर्घटना भएको हो ।
दुर्घटनामा घाइते भएका यादवलाई उपचारार्थ राजविराजस्थित छिन्नमस्ता अस्पतालमा भर्ना गरिएको छ । जसपाका केन्द्रीय सदस्य यादवको स्वास्थ्य अवस्था समान्य रहेको राजविराज नगरपालिकाका मेयर शम्भु प्रसाद यादवले मधेशलाइभलाई जानकारी दिए ।
ठक्कर दिने बसलाई नियन्त्रणमा लिइएको जिल्ला प्रहरी कार्यालय सप्तरीका प्रहरी नायव उपरीक्षक माधव प्रसाद काफ्लले बताए । घटनाबारे थप अनुसन्धान भइरहेको जनाएको छ ।
