जनकपुरधाभ । नेपालमा आज थप १२० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयको विवरणअनुसार पछिल्लो २४ घण्टामा २ हजार ८ सय ९१ जनामा गरिएको पिसिआर परीक्षणमा १२० जनामा संक्रमण पुष्टि भएको हो ।
सोही अवधिमा ८५ जना संक्रमणमुक्त भएका छन् । यसैगरी पछिल्लो २४ घण्टामा कोरोनाका कारण कसैको पनि ज्यान गएको छैन् ।
अहिलेसम्म नेपालमा कोरोना संक्रमितको कुल संख्या २ लाख ७६ हजार ५०९ पुगेको छ । जसमध्ये २ लाख ७२ हजार २७२ जना निको भएका छन् । हाल १ हजार २१७ जना संक्रिय संक्रमित रहेको मन्त्रालयले जनाएको छ ।
