राजविराज, १३ चैत । सप्तरीमा आज (शुक्रवार) दिउँसो पिकप गाडीले ठक्कर दिँदा एक जना मोटरसाइकलको मृत्यु भएको छ । पूर्व पश्चिम राजमार्ग अन्न्तर्गत खडक नगरपालिका–४ पनसेरामा दुर्घटना भएको हो ।
पूर्वतर्फ जाँदै गरेको बागमती प्रदेश–०२–०१५ प. २५६५ नम्वरको मोटरसाइकललाई विपरीत दिशाबाट आएको बा २० च २१५९ नम्वरको महिन्द्रा पिकप गाडीले ठक्कर दिएको छ । ठक्करबाट मोटरसाइकल चालक धादिङको ज्वालामुखी गाउँपालिका–४ का ३८ वर्षीय चाम बहादुर राना मगरको गम्भीर घाइते भएका थिए ।
घाइते मगरको उपचारको लागि लहानतर्फ पठाउने क्रममा मृत्यु भएको जिल्ला प्रहरी कार्यालयका प्रहरी नायव उपरीक्षक माधव प्रसाद काफ्लेले बताए । मृतक मगर मकवानपुर भिमफेदी गाउँपालिका–१ सुपाटार स्थित पुरानो गोरख गण सुपाटारमा कार्यरत थिए ।
