राजविराज । सप्तरीको महादेवा गाउँपालिका–४ डाढामा बाख्राले आफ्नो जग्गामा दिशामा गरेको विषयमा दुई पक्षबीच कुटाकुट भएको छ । सो घटनामा परेर दुई जना गम्भीर घाइते भएका छन् ।
घाइते ५० वर्षीय दिगम्बर साह र सोही ठाउँकी ४० बर्षिया पार्वतीदेवी खंग गम्भीर घाइते भएका हुन् । दुवै जनालाई उपचारार्थ राजविराजस्थित गजेन्द्रनारायण सिह अस्पतालमा भर्ना गरिएको छ । महिलाको टाउको र शरीरका विभिन्न भागमा चोट लागेको प्रहरीले जनाएको छ ।
पीडितहरुका अनुसार सोही ठाउँका विदेशी खंग, डोमी खंग, उपेन्द्र खंग, राम खंगसहितकाले कुटपिट गरेका हुन् । उता, आरोपीहरु पनि आफुहरुमाथि कुटपिट भएको दावी गरेका छन् । घटनाबारे थप अनुसन्धान भइरहेको प्रहरीले जनाएको छ ।
