राजविराज, २ जेठ । सप्तरीमा थप चार जना कोरोना संक्रमितको मृत्यु भएको छ । स्वास्थ्य कार्यालय सप्तरीका निमित्त प्रमुख दुनियालाल यादवका अनुसार पछिल्लो २४ घण्टामा थप चार जना संक्रमितको मृत्यु भएको हो ।
कञ्चनरुप नगरपालिकाका दुई तथा सप्तकोशी र राजविराज नगरपालिकाका १–१ जनाको संक्रमितको मृत्यु भएको उनले बताए । उनका अनुसार कञ्चनरुपका एक जनाको नोबेल शिक्षण अस्पताल र एक जनाको छिन्नमस्ता अस्पतालमा उपचारकै क्रममा मृत्यु भएको छ ।
यसैगरी सप्तकोशीका एक जनाको उपचारको लागि पठाउने क्रममा एम्बुलेन्समा र अन्य एक जनाको राजविराजमै मृत्यु भएको निमित्त प्रमुख यादवले बताए । योसहित सप्तरीमा कोरोना संक्रमणबाट मृत्यु हुनेको संख्या ६७ पुगेको छ ।
