राजविराज, २० जेठ । सप्तरीको डाक्नेश्वरी नगरपालिका–३ तरहीमा आज एक महिलाको करेन्ट लागेर मृत्यु भएको छ । स्थानीय रामवृक्ष रायकी ५५ वर्षीया पत्नी इनरदेबी रायको करेन्ट लागेर मृत्यु भएको हो ।
सुँगुर र स्यालबाट तरकारीबाली जोगाउनको लागि बनाइएको धराप (नाङ्गो बिजुलीको घेरावेरा)मा परेर उनलाई करेन्ट लागेर स्थानीयहरुले बताएका छन् ।
करेन्ट लागेर उनको घटनास्थलमै मृत्यु भएको जिल्ला प्रहरी कार्यालय सप्तरीले जनाएको छ । महिलाको शवलाई पोष्टमार्टमको लागि राजविराजस्थित गजेन्द्रनारायण सिंह अस्पताल ल्याइएको छ भने घटनाबारे थप अनुसन्धान भइरहेको प्रहरीले जनाएको छ ।
