राजविराज, २३ जेठ । सप्तरीमा कोरोना संक्रमण निको हुनेको संख्या एक हजार नाघेको छ । स्वास्थ्य कार्यालय सप्तरीका अनुसार यो समाचार तयार पर्दासम्म सप्तरीमा एक हजार १३ जना निको भएका छन् ।
गत वैशाख ३ गतेबाट दोस्रो लहरमा १ हजार ९०६ जना संक्रमित हुँदा १ हजार १३ जना निको भएको कार्यालयका निमित्त प्रमुख दुनियालाल यादवले जानकारी दिए । सप्तरीमा हालसम्म ९५ जनाको कोरोना संक्रमणबाट मृत्यु भएको छ भने हाल ७९८ जना सक्रिय संक्रमित छन् ।
