जनकपुरधाम । जनता समाजवादी पार्टी (जसपा)का संघीय परिषद् अध्यक्ष डा.बाबुराम भट्टराईले ‘कम्युनिष्ट’ पदावलीलाई प्रधानमन्त्री केपी शर्मा ओलीले बदनाम गराइसकेको आरोप लगाएका छन् । उनले फेरि अर्को ‘असली कम्युनिष्ट’ को कुरा गर्नु ‘बरमझियाका असली बाजेको पेडा’ हुनसक्ने बताएका हुन् ।
उनले आज ट्वीट गर्र्दै ओली प्रतिगमन विरोधी संयुक्त संघर्षले नयाँ राजनीतिक ध्रुवीकरण पनि हुुनसक्ने भन्दै सबैलाई नयाँ ढंगले सोच्न आग्रह गरे ।
उनले लेखेका छन्, ‘भनिन्छ कुनै पनि संकट नयाँ सम्भावना लिएर आउँछ । ओली प्रतिगमनविरोधी संयुक्त संघर्षले नयाँ राजनीतिक ध्रुवीकरण पनि गराउन सक्छ । ओलीले ‘कम्युनिष्ट’ पदावलीलाई नै बदनाम गराइसकेको अवस्थामा फेरि अर्को ‘असली कम्युनिष्ट’को कुरा गर्नु ‘बरमझियाको असली बाजेको पेडा’ हुनसक्छ । सबैले नयाँ ढंगले सोचौं !
भनिन्छ कुनै पनि संकट नयाॅ सम्भावना लिएर आउॅछ।ओली प्रतिगमनविरोधी संयुक्त संघर्षले नयाॅ राजनीतिक ध्रुवीकरण पनि गराउन सक्छ।ओलीले ‘कम्युनिष्ट’ पदावलीलाई नै बदनाम गराइसकेको अवस्थामा फेरि अर्को ‘असली कम्युनिष्ट’को कुरा गर्नु ‘बरमझियाको असली बाजेको पेडा’ हुनसक्छ। सबैले नयाॅ ढंगले सोचौं!
— Baburam Bhattarai (@brb1954) June 9, 2021
