राजविराज, २८ असार । सप्तरीको डाक्नेश्वरी नगरपालिकाकी उपमेयर मीराकुमारी यादवलाई थप ४ दिन थुनामा राखेर अनुसन्धान गर्न अनुमति दिइएको छ ।
नागरिकता सम्बन्धि कसूरमा बिहिबार सप्तरी जिल्ला अदालतले उनलाई थप ४ दिन थुनामा राखेर अनुसन्धान गर्न अनुमति दिएको हो ।
उनी विरुद्ध थप ४ दिन म्याद थप भएको सप्तरीका प्रहरी प्रमुख प्रहरी उपरीक्षक नरेन्द्रकुमार कार्कीले जानकारी दिए ।
असार १९ गते पक्राउ पुर्जी जारी भएपछि २० गते उनी प्रहरीसमक्ष उपस्थित भएकी थिइन् । यसअघि पनि उनी विरुद्ध दुई पटक म्याद थप भएको थियो । यद्यपी, सोही मुद्दाका अर्का आरोपी उनका पति महेन्द्रकुमार यादव भने अझैं फरार छन् ।
उनको खोजी कार्य भइरहेको प्रहरी उपरीक्षक कार्कीले बताए । ‘सो कसूरमा थप अनुसन्धान भइरहेको छ’, उनले भने ।
