जनकपुरधाम– अख्तियार दुरुपयोग अनुसन्धान आयोगले भूमिसुधार तथा मालपोत कार्यालय सुनसरीका दुई जना कर्मचारीलाई १लाख ५० हजार रुपैयाँ घुस रकमसहित पक्राउ गरेको छ ।
पक्राउ पर्नेमा नायब सुब्बा सुदिप कटुवाल र खरिदार रमेश अधिकारी रहका छन् । जग्गा नामसारी गरेवापत सेवाग्राहीसँग घुस मागगरेको उजुरी निवेदनका आधारमा अख्तियारको इटहरी कार्यालयबाट खटिएको टोलीले उनीहरुलाई इनरुवा नगरपालिका वडा नम्बर३ स्थित मालपोत चोकबाट नियन्त्रणमा लिइएको प्रवक्ता भोला दाहालले जानकारी दिए ।
शुक्रबार पक्राउ परेका उनीहरुमाथि थप अनुसन्धान भइरहेको अख्तियारको भनाइ छ ।
