राजविराज–सप्तरीको कञ्चनरुप नगरपालिका–१० बदगामामा ट्याङकरले ठक्कर दिँदा मोटरसाइकलमा सवार दुई जनाको मृत्यु भएको छ ।
पूर्व पश्चिम लोकमार्ग अन्तर्गत कञ्चनपुरबाट भारदहतर्फ जाँदै गरेको को १ ख ७४१४ नम्बरको डिजल लोड गरेको ट्याङकरले विपरित दिशाबाट आउँदै गरेको प्र १–०२–०४७ प १२८० को मोटरसाइकललाई ठक्कर दिएपछि दुर्घटना भएको हो ।
दुर्घटनामा मोटरसाइकलमा सवार सुनसरीको हरिनगरा गाउँपालिका–३ का ४१ वर्षीय महेशकुमार मेहताको घट्नास्थलमै मृत्यु भएको थियो भने मोटरसाइकलमै सवार अर्का सोही ठाउँका ४२ वर्षीय जयप्रकाश मेहताको उपचारको क्रममा मृत्यु भएको सप्तरी प्रहरीले जनाएको छ ।
दुर्घटनामा घाइते भएका जयप्रकाशलाई उपचारको लागि राजविराजस्थित गजेन्द्र नारायण सिंह अस्पताल ल्याइएकोमा उपचारको क्रममा उनको हो ।
ट्याङकर चालक सिरहाको कर्जन्हा नगरपालिका–३ का मिथलेश यादवसमेत घाइते भई धर्मेश्वर अस्पताल ठेलियामा उपचार भइरहेको प्रहरीले जनाएको छ ।
