राजविराज, १९ भदौ–नापी कार्यालय सप्तरीमा घुस लेनदेन विषयमा विवाद भइरहदा भिडिओ रेकर्ड गर्नेमाथि नै मुद्दा चलाउने तयारी गरिएको छ ।
मंगलबार नापी कार्यालय सप्तरी अन्तर्गतका राजविराज वडा नम्वर ७ स्थित सञ्चालित २ नम्वर नापी टोलीमा कार्यरत अमिन राम राउत र सेवाग्राहीहरुबिच विवाद भइरहदा जिल्लाको रुपनी गाउँपालिका बस्ने प्रमोदकुमार साह ‘राणा’ले भिडिओ रेकर्ड गरेका थिए ।
उक्त भिडिओ सञ्चारमाध्यममा पनि प्रशारण भएको थियो । भिडिओ रेकर्ड गरेको निहुँमा नापी कार्यालयले साहमाथि मुद्दा चलाउन पत्राचार गरेको हो ।
पत्रअनुसार साहलाई बुधवार रुपनीबाटै पक्राउ गरिएको जिल्ला प्रहरी कार्यालयका डिएसपी ढुण्डिराज नेउपानेले जानकारी दिए । नापीबाट आएको पत्रअनुसार केही सरकारी कागजात च्यातेकोले पक्राउ गरिएको साहमाथि आपराधिक उपद्रव मुद्दामा म्याद थप गर्न लागेको उनले बताए ।
यो पनिः
