राजविराज, २६ माघ । सप्तरी प्रहरीले गए राति स्कार्पियोसहित सवाँ सात क्विन्टल गाँजा बरामद गर्यो । जिल्लाको बोदे बरसाइन नगरपालिका–३ स्थित हुलाकी राजमार्गबाट बरामद गरिएको उक्त स्कार्पियो र गाँजा शनिवार पत्रकार सम्मेलनमार्फत सार्वजनिक गरिएको हो ।
पत्रकार सम्मेलनमा एसपी ढकेन्द्र खतिवडाले राति करिब साढे १ बजेतिर बिहुल पुलभन्दा एक सय मिटर पूर्वतर्फ स्कार्पियोबाट झार्ने क्रममा प्र.१–०२–००२ च ५८३४ नम्बरको एउटा स्कार्पियोसहित सात क्विन्टल २६ किलो गाँजा बरामद गरिएको जानकारी दिए ।
उनका अनुसार स्कार्पियो चालक भने फरार भएका छन् । ‘चालकको खोजि हुँदैछ र अन्य अनुसन्धान पनि अघि बढाइएको छ ।’, एसपी खतिवडाले भने ।
