जनकपुर–धनुषाको जनकपुरबाट सर्लाहीको बरहथवा जाँदै गरेको बस दुर्घटना महोत्तरीमा हुँदा ३० जना घाइते भएका छन्।
पूर्वपश्चिम राजमार्ग अन्तरगत टुटेश्वर जंगलमा आइतबार दिउँसो ना ५ ख २८५१ नम्बरको बस दुर्घटना भएको हो ।
दुर्घटनामा परेर ३० जना घाइते भएको प्रहरीले जनाएको छ । घाइतेमध्ये ६ जनाको अवस्था मध्यम तथा अन्यको अवस्था सामान्य रहेको महोत्तरी प्रहरीका निमित्त प्रवक्ता नन्दकिशोर चौहानले बताए ।
घाइतेहरूलाई उपचारका लागि बर्दिबास लगिएको छ । प्रहरीका अनुसार बसमा कुल ४० जना सवार थिए । प्रहरीले बस चालकलाई पक्राउ गरी घटनाबारे आवश्यक अनुसन्धान गरिरहेको जनाएको छ ।
