वीरगञ्ज । वीरगञ्ज भन्सार कार्यालयले चालु आर्थिक वर्षको पहिलो सात महिनामा एक खर्ब ५४ अर्ब ८४ करोड रुपैयाँ राजस्व सङ्कलन गरेको छ। यो रकम कार्यालयले निर्धारण गरेको एक खर्ब ७५ अर्ब ३१ करोड रुपैयाँको लक्ष्यको करिब ८८ दशमलव प्रतिशत हो।
सूचना अधिकृत उदयसिंह विष्टका अनुसार गत आर्थिक वर्षको सोही अवधिको तुलनामा यस वर्ष १३ अर्ब ३६ करोड रुपैयाँ बढी राजस्व सङ्कलन भएको छ। यसले भन्सारको कार्यक्षमतामा सुधार आएको देखाउँछ।
महिनागत रूपमा हेर्दा साउनमा १८ अर्ब ४४ करोड, भदौमा २० अर्ब ७३ करोड, असोजमा १९ अर्ब ९ करोड र कात्तिकमा १७ अर्ब ३३ करोड रुपैयाँ राजस्व उठाइएको थियो। त्यसैगरी मंसिरमा २० अर्ब ८० करोड, पुसमा २० अर्ब २० करोड, माघमा १८ अर्ब ९२ करोड र फागुनमा १९ अर्ब ३४ करोड रुपैयाँ सङ्कलन भएको तथ्याङ्कले देखाउँछ।
