सिरहा–सिरहा प्रहरीले पेस्तोल र नकसहित दुई युवकलाई पक्राउ गरेको छ । पक्राउ पर्नेमा गोलबजार नगरपालिका–१२ बेतौनाका १९ वर्षीय प्रमोद ठाकुर र १९ वर्षीय विष्णु महतो छन् ।
दुवै जनालाई सोमबार जिल्लाको गोलबजार–११ बल्कवास्थित मैनावत्ती खोलाबाट पेस्तोल र नकसहित पक्राउ गरिएको सिरहाका प्रहरी प्रवक्ता डीएसपी वीरेन्द्रकुमार पासवानले जानकारी दिए । उनका अनुसार मैनाबत्ती खोलामा लागेको मेलामा युवाहरूको दुई समूहबीच विवाद भएको थियो ।
विवाद पछि पुगेको प्रहरी टोलीले जाँच गर्दा उनीसँग पेस्तोल र नक बरामद भएको हो । उनीहरू दुबैमाथि हातहतियारसम्बन्धी कसुरमा थप गरी अनुसन्धान कार्य भइरहेको जनाएको छ ।
