राजविराज, २६ वैशाख । विराटनगरस्थित नोबेल शिक्षण अस्पतालमा उपचाररत सप्तरीका थप एक कोरोना संक्रमितको गए राति मृत्यु भएको छ ।
गत बुधवार अस्पतालमा भर्ना भएका बोदे बरसाईन नगरपालिका–१० का ३५ वर्षीय पुरुषको उपचारकै क्रममा मृत्यु भएको अस्पतालका प्रबन्धक नारायण दाहालले बताए ।
यसैगरी सोही अस्पतालमा सिरहाका पनि एक जना संक्रमितको पनि मृत्यु भएको छ । कल्यापुर–४ की ३८ वर्षीया महिलाको उपचारकै क्रममा मृत्यु भएको आज विहान ७ बजेतिर मृत्यु भएको प्रबन्धक दाहालले बताए ।
स्वास्थ्यमा समस्या देखिएपछि उनलाई हिजो नै अस्पतालमा भर्ना गरिएको थियो ।
