जनकपुरधाम, १८ मंसिर । अर्थ मन्त्रालयले तीन दिनभित्र कोरोना बीमाको भुक्तानी उपलब्ध गराउन बीमा समितिलाई निर्देशन दिएको छ ।
अर्थ मन्त्रालयको वित्तीय क्षेत्र एवं संस्थान समन्वय महाशाखाले विहिवार समितिलाई पत्र लेख्दै बीमा मापदण्ड प्रक्रिया पुरा भइसकेका दावीहरुमा ३ दिनभित्र भुक्तानी गरी दैनिक रुपमा जानकारी गराउन भनिएको छ ।
यसैगरी भेरिफिकेसन गर्न बाँकी दाबीको भेरीफिकेशन यथाशीघ्र सम्पन्न गरी भुक्तानी दिने व्यवस्था मिलाउन समेत अर्थ मन्त्रालयले भनेको हो ।
साथै भुक्तानी सम्वन्धमा विभिन्न बीमा कम्पनीहरुबाट प्राप्त दावी भुक्तानीमा के कस्ता समस्या देखिएको, कुन कुन कम्पनीमा कति संख्यामा दावी परेको विवरणहरु पेण्डिङ्ग रहेको, समाधानका लागि समितिबाट भइरहेको प्रयास र मन्त्रालयबाट सहजीकरणका लागि पहल गर्नुपर्ने विषयहरुबारे विस्तृत विवरण मन्त्रालयमा पठाउन पनि भनिएको छ ।
