जनकपुरधाम, १० फागुन । पूर्व प्रधानमन्त्री एवं जनता समाजवादी पार्टी (जसपा) नेपालका संघीय परिषद् अध्यक्ष डा. बाबुराम भट्टराईको उपचार आजबाट शुरु हुने भएको छ । उनी हिजो (आइतवार) भारतको राजधानी नयाँदिल्ली पुगेका हुन् ।
डा.भट्टराईको दिल्लीको वसन्तकुञ्जस्थित इन्स्टिच्युट अफ लिभर एन्ड बिलिअरी साइसेन्समा उपचार हुने प्रेस सल्लाहकार विश्वदीप पाण्डेले जानकारी दिएका छन् । सोमबार दिउँसो साढे १ बजे वरिष्ठ चिकित्सक विक्रम भाटियाले डा.भट्टराईको परीक्षण गर्नेछनन् ।
ललितपुरको निदान अस्पतालमा उपचार गराउँदै आएका डा.भट्टराईको न्युरो–इन्डोक्राइनमा ट्युमर पलाएको आशंका गरिएपछि उनी श्रीमती हिसिला यमी र प्रेस सल्लाहकार पाण्डेका साथ दिल्ली पुगेका हुन् ।
