जनकपुरधाम । कोरोना रोकथाम तथा नियन्त्रणका लागि जारी निषेधाज्ञाको समय धनुषामा चौथो पटक थप गरिएको छ । सोमवार बसेको जिल्ला कोभिड–१९ संकट व्यवस्थापन केन्द्रको बैठकले निषेधाज्ञाको समय ७ थपेको हो ।
निषेधाज्ञा आदेशलाई जेठ १७ गते राति १२ बजेबाट सात दिन थप गर्ने निर्णय भएको प्रमुख जिल्ला अधिकारी बन्धुप्रसाद बास्तोलाले जानकारी दिए । उनले भने, ‘कोभिडको नयाँ भेरियन्टको संक्रमण दरमा क्रमशः सुधार देखिएको छ । तर पनि संक्रमणको चुनौती अझै कायम रहेकाले निषेधाज्ञा सात दिन थप गर्ने निर्णय भएको छ ।’
कोरोनाको दोस्रो लहर चलेपछि धनुषामा वैशाख २२ गते निषेधाज्ञा जारी गरिएको थियो । निषेधाज्ञामा विहान ६ बजेदेखि ९ बजेसम्म अत्यावश्यक पसलहरु खोल्न दिएको छ । त्यसबाहेक सबै पसल ठप्प छ । शैक्षिक संस्था, उद्योग, कलकारखाना, सवारी साधन पनि खुलेको छैन ।
