जनकपुरधाम । सर्लाहीबाट लागुऔषधसहित एक युवक पक्राउ परेको छ । ब्रम्हपुरी गाउँपालिका–४ स्थित राजबेरी इलाकाबाट सशस्त्र प्रहरीको टोलीले लागुऔषधसहित २१ वर्षीय प्रमोदकुमार महतोलाई पक्राउ गरेको हो ।
पक्राउ परेका महतोको साथबाट सशस्त्र प्रहरीको टोलीले चेकजाँच गर्ने क्रममा १२० बोतल लागूऔषध सिरफ बरामद गरेको छ ।
भारतबाट नेपालतर्फ आउँदै गरेका महतोलाई सशस्त्र प्रहरीको बोर्डर आउट पोष्ट त्रिभुवन नगरबाट खटिएको टोलीले शंका लागेर सर्च गरेको थियो ।
उनलाई आवश्यक कारवाहीको लागि नेपाल प्रहरीलाई बुझाइएको सशस्त्र प्रहरीले जनाएको छ ।
