राजविराज, १९ साउन ।सप्तरीमा फोटोसहितको मतदाता नामावलीमा नाम दर्ता गराउनेहरुको चाप बढ्दै गएको छ ।
जिल्ला निर्वाचन कार्यालयका अनुसार आज (मंगलवार) दिउँसो १ बजेसम्म मात्रै ८० जनाले मतदाता नामावलीमा नाम दर्ता गराएका छन् ।
यसअघि सोमवार १५१ जना र आइतवार १९१ जनाले नाम दर्ता गराएका कार्यालयले जनाएको छ । साउत २ गतेदेखि सञ्चालन गरिएको फोटोसहितको मतदाता नामावली कार्यक्रम अन्तर्गत जिल्लाका विभिन्न स्थानिय तहबाट नाम दर्ता गराउनेहरुको संख्या दैनिक बढ्दै गएको छ ।
चुनावको कार्यक्रम घोषणासँगै निर्वाचन आयोगले फोटोसहितको मतदाता नामावलीमा नाम दर्ता कार्यक्रम बन्द गरिने जनाएको छ ।
