राजविराज, १३ भदौ । लगातारको वर्षाका कारण कोशी नदीमा पानीको वहाव बढेको छ । बढ्दो वहावले चतरा क्षेत्रमा कटान भइरहेको भन्दै सप्तरीका केही स्थानमा पनि कटानको सम्भावना रहेकाले सतर्कता अपनाउन जिल्ला प्रशासन कार्यालय सप्तरीले आग्रह गरेको छ भने स्थानीय तह, सुरक्षा निकाय र सम्बन्धित सरोकारबालाहरुलाई सुरक्षाका लागि तत्काल आवश्यक तयारीमा जुट्न अनुरोध गरेको छ ।
सहायक प्रमुख जिल्ला अधिकारी नाथु साहले आज सूचना जारी गर्दै हाल कोशी नदीको वहाव २ लाख ५३ हजार १९० क्यूसेक पुगेको उल्लेख गरेका छन् ।
जल तथा मौसम विज्ञान विभागले प्रदेश २ का केही स्थानमा मेघ गर्जन/चट्याङसहित भारी वर्षाको सम्भावना व्यक्त गरिरहेकोले चतरादेखि क्षेत्रदेखि सप्तरीको सप्तकोशी, कञ्चनरुप र हनुमाननगर नगरपालिका तथा तिरहुत र तिलाठी कोइलाडी गाउँपालिकाका कोशी किनार आसपासका वस्ती तथा होचा स्थानमा बसोवास गर्नेहरुलाई सतकर्ता अपनाउन सूचनामा आग्रह गरिएको छ ।
