जनकपुरधाम – नेकपा एमालेका उपाध्यक्ष सुवास नेम्वाङको निधन भएको छ । आफ्नै निवासमा १ बजेराति अचानक हृदयघात भएपछि उनलाई महाराजगञ्जस्थित शिक्षण अस्पताल लगिएको थियो ।
अस्पताल पुग्नासाथ उनलाई मृत घोषित गरिएको थियो । उपाध्यक्ष नेम्वाङको निधन लगत्तै प्रधानमन्त्रीपुष्पकमल दाहाल र नेकपा एमालेका अध्यक्ष केपी शर्मा ओली लगाएत राजनैतिक दलका नेताहरुशिक्षण अस्पताल पुगेका छन् ।
नेम्वाङको शव श्रद्धाञ्जलीका लागि बुधबार सम्म पार्टी कार्यालयमा राखिने बताइएको छ ।
इलाम क्षेत्र नं २ बाट निर्वाचित नेम्वाङ २००९ फागुन २८ गते इलाममा जन्मेका थिए । उनी इलाम २ बाट२०५६ सालदेखि संसदीय चुनावमा निरन्तर विजयी हुँदै आएका थिए । २०४८ सालदेखि २०५२ सालसम्मउनी राष्ट्रिय सभाका सांसद बनेका थिए ।
२०६३ सालमा पहिलोपटक सभामुख बनेका नेम्वाङ अन्तरिम संसदमा समेत सभामुख बनेका थिए ।पहिलो र दोस्रो संविधान सभाका अध्यक्ष र सभामुख बनेका नेम्वाङकै कार्यकालमा २०७२ असोज ३ गतेसंविधान जारी भएको थियो ।
नेम्वाङको निधनको खबरपछि एमाले नेता कार्यकर्ता र शुभेच्छुकहरु त्रिवि शिक्षण अस्पतालमहाराजगन्जमा पुगेका छन् ।
