काठमाडौं–१९औँ एसियाली खेलकुदको पुरुष क्रिकेटअन्तर्गत आज बिहान भएको क्वार्टरफाइनल खेलमा नेपाल भारतसँग पराजित भएको छ ।
नेपाल भारतसँग २३ रनले पराजित भएको हो । भारतसँग पराजित भएसँगै नेपालको क्रिकेट टिम प्रतियोगिताबाट बाहिरिएको छ ।
दुई सय ३ रनको लक्ष्य पछ्याएको नेपालले २० ओभर पूरा खेलेर ९ विकेटको क्षतिमा १ सय ७९ रन बनायो । नेपालले ब्याटिङ र बलिङदुवैमा राम्रो प्रदर्शन गरे पनि जित निकाल्न सकेन ।
नेपालका लागि दीपेन्द्रसिंह ऐरीले १५ बलमा ३२ रन बनाए । सन्दीप जोराले १२ मा २९ तथा कुशल मल्लले २२ मा २९ रन बनाए । कुशलभुर्तेलले ३२ बलमा २८ रन बनाए । करन केसी १३ बलमा १८ रन बनाउँदै नटआउट रहे ।
आशिफ सेखले ६ बलमा १० रन बनाए । अरु ब्याटरले दोहोरो अंकमा रन बटुल्न सकेनन् । भारतका रवि विश्रोई र अवेश खानले समानतीन, अर्शदीप सिंहले दुई तथा साइ किशोरले एक विकेट लिए ।
टस जितेर पहिले ब्याटिङ गरेको भारतले चार विकेटको क्षतिमा २ सय २ रन बनाएको थियो । भारतका लागि ओपनर यशस्वीजैसवालले शानदार ब्याटिङ गरे । उनले मात्र ४८ बलमा शतक प्रहार गरे । योसँगै उनी टी–२० अन्तर्राष्ट्रियमा सबैभन्दा कम उमेरमा शतकहिर्काउने भारतीय खेलाडी बनेका छन् ।
यस्तै भारतका रिंकु सिंहले १५ बलमा ३७ तथा शिवम् दुवे १९ बलमा २५ रन बनाएर नटआउट रहे । ऋतुराज गायकवडले २३ बलमा मा२५ रन बनाए । नेपालका दीपेन्द्रसिंह ऐरीले दुई तथा सन्दीप लामिछाने र सोमपाल कामीले एक–एक विकेट लिए ।
